Манайхан хоорондоо ер нь хэрэлддэггүй л дээ. Ахын үг бол буруу ч зөв ч байсан хүчин төгөлдөр . Өөдөөс нь үг хэлэх эрхгүй гэсэн хүмүүжлээр бид нарыг хүмүүжүүлсэн. Харин би л бага ахтайгаа жоохон юман дээрээс муудалцдагаас өөр юм байхгүй л дээ. Гэхдээ бид 2 янз бүрийн хараал элдэв янзын муухай хорон үг огт хэрэлддэггүй юм. Харин дунд ах маань сүүлийн үед том ахыг хааяад нэг хэдэн үг хэлэхээр та нарт миний амьдрал хамаагүй гэх гээд байдаг болчихоод байгаан. Тэрийг ах маань ээжид хэлээд энэ хүн одоо том болсон та нарт би хамаагүй та нар ч надад хамаагүй гэж хэлдэг болчихож гэхэд ээж маань юу ч хэлээгүй. Харин ээж нь ингэж ярьж өгсөн юм.

Нэгэн залуу настай болсон ээжтэйгээ амьдардаг байсан гэнэ. Гэтэл нэг өдөр нөгөө залуу маань ээжтэйгээ муудаж сүүлдээ ээжийгээ ХУЦААД бай гэчихжилдээ. Тэгсэн тэрнээс хойш ээж нь хэн ч байсан л эсвэл залуугийн найз нөхөд орж ирээд -За хэн гуай бие тэнхээ данги уу? гэхээр л өөдөөс нь -Хөв хөв хөв хөв гэдэг болчихож гэнэ. Тэгээд нөгөө залуу сүүлдээ ээжийнхээ тэгэхээс санаа нь зовоод өөр өрөөнд оруулчихдаг болжилдээ. Тэгсэн ч гэсэн ээж чинь хаачсийн сайхан цай цүү болоод л байдаг байсан чинь гээд л хүн амьтан сураглаад л.. Нөгөө залуу сүүлдээ хүнд үзүүлж гэнэ. Ээжийгээ ингээд хэлчихсэн чинь одоо ердуу хүн амьтантай мэндлэхгүй өөдөөс нь хөв хөв гээ байдаг боллоо гэсэн чинь цаад хүн ээждээ очиод л ердүү хадаг бариад л сөгдөөд л гуй өөр арга байхгүй гээд нөгөө залууч тэр ёсоор нь хийж ээж нь уучилсан юм гэнэлээ.

Бас нэг жишээ бол манай хамаатан буюу ээжийн эгчийн хүмүүжил. Тэдний нэг хүү нь эхнэртэй байжийж гэртээ нэг бүсгүй дагуулж ирж хонож л дээ. Гэхдээ гэртээ биш ээжийндээ. Тэгсэн ээж нь мэдээж яаж сайхан хүлээж авахав. -Хүү мини ингэж болж байгаанмуу? Эхнэртэй юм байж танихгүй хүүхэн нтр дагуулж ирж хоноод гэсэн чинь Танд ямар хамаатай юм гэжилдээ. Ээж нь тэгэхээр нь за за надад тэгвэл хамаагүй юм байж гээд дуугай болж. Тэгсэн хүү нь дараахан нь Америк явлаа ээж мөнгө байна уу гэсэн ээж нь Надад ямар хамаатай юм. Та ч надад огт хамаагүй хүн биздээ. гээд хүүгээ хэлэх үггүй болгож. Тэгээд тэрнээс хойш мэдээж ээжтэйгээ зөвлөх эс бусын л асуудал гарах бүрт л Надад ямар хамаатай юм гээд байхаар нь ээжийнхээ өмнө бас л сөхөрч сууж байгаад л уйлаад л байсан гэсэн. Тэр үед  ээж нь муу хүүгээ өрөвдөөд эвлэрсэн гэсэн.

Ээж маань энийг бидэнд ярьж өгчихөөд та нарын хэн ч бай үг хэлээ сайн цэгцэлж хаана хэзээ хэлэхүү гэдгээ бодож бай. Хэлсэн үгэндээ эргээд битгий орооцолдож байхаар үйлдэл хий. Мунхаг хүний хэлсэн үг бүр ухаангүй үг байдаг тул эргээгээд өөрт нь мэдрүүлэхээр ухаан сийрүүлж сур гэж захисан юмдаа.